Sadurunge tityang ngelanturang isin manah tityang,
Bengayang dumun tityang ngusapin toyan pengaksian sane membah kadi tukad Ganggane
Iratu sane jantos tityang,mangde nandurin sekancan taman sane druenang tityang.
Iratu sane aptiang tityang mangde nyiramin tur ngupepire sekancan sekar sane druenang
Tityang.
Nanging te sekadi ikakue ngenyudang sang surye....
Iratu sang suryane, sane sumangkin ruruh tityang sayan panes.
Iratu ngambil seisin manah tityang,... disampune tityang tan mresidayang lali ring Iratu..
Tityang ngamel cokor Iratu....
Sakewanten bes kedados ratu makte pekayunan..
Ngetepesang cokor sahase nyekjek ulun hatin tityang
Pedih tan side antuk ngrasayang..
Iratu tan kayun gelantingin tityang
Sampun kadung palas manah tityang ring sajeroning rage
Ring dije men tityang malih ngeruruh pengantungan jiwa atman tityang
Malih pisan tityang ngucapang tresna..
Iratu ice raris nundung tityang..
Tityang skadi icicing berung,melaib pati jelempoh
Rauh ring undage Ratu nuludang tur ngundebang kori agung
Kori agung sane mahutama sane seraine pebalih tityang
Ngantosan cahyan surye ..Suryan Iratune...
Tityang jatme lacur wantah wang jeron IRatu..
11 juni 1991
nb
Pelayan yang terbuang
Karena di tingkat paling bawah
Saya tidak ingin menjadi orang yang lebih tinggi
Karena semua sama di mata tuhan
Seandainya saya di posisi mereka...
Cinta seharusnya tak mengenal kasta
ditulis oleh candra padmi
No comments:
Post a Comment