Selamat Datang DI WWW.WACANADHARMA.BLOGSPOT.COM

Wednesday, March 8, 2017

santai sejenak kita lihat video ramalan garis tangan ini dulu hee

https://www.youtube.com/playlist?list=PLOnxRAGasOfhTPb4TVSOY5vdLPsgI6k0-&jct=6IEPMTn9VR1g1rUD64v2hz2UDm9GwQ


Wednesday, February 1, 2017

Banten pinaka sarana ngentenin sifat luih imanusa


olih iwayan tojan

"baan"teges ipun tatakan utawi sarana, "enten" tegesnyane eling utawi inget. Banten punika sarane anggen ngentenang utawi mangunang ngingetang.Ngentenin napi?.Ngentenin sifat-sifat imanusa sane becik utawi luwih.Yening iraga mamargi nuju genah sane doh ring tengahing margi lempas saking margi sane jage katuju,pastika iraga nenten jage neked neked.Kenten taler tetujon iraga maurip ring marcapada.Wantah mangda prasida nemu genah sane mawasta jagadhita.Sakadi kereta api yening tegteg mamargi ring rel ipun sinah pasti neked ring genah sane katuju.Sampunika taler yening lempas saking rel sinah pacang runtuh nyungkling.Punika tatujon banten jage ngentenin sifat-sifat iraga sane becik kaanggen titi pangancan ring lampah uripe puniki.
    filsafat ring sloka agama wenten maosang banten punika tan bina sakadi rambu-rambu ring margine ngingetin iraga mangda margin iraga nenten nyaplir saking tatujon hidup.Sakadi banten ''suci"' Satmaka ngentenin iraga yening sampun usan mayadnya mangda kalanturang antuk parilaksana sane suci lan becik.Utawi laksana sane kadasarin antuk trikaya parisuda. Banten " Tebasan''.Tebas maarti tebus ngelingan iraga mangda melakasana becik anggen nebus dosan-dosan iraga,Wantah parilaksana becik jage prasida nebus dosan iraga, nenten prasida katebus antuk jinah utawi banten sane ageng.Banten "pejati" ngelingin iraga mangda setata jujur tur melaksana mapikayun sane sujati becik.''jati" utawi saja,santukan manusa boya je beburon utawi raksasa.Banten '' beya kaon '' ngingetin iraga mangda ngicalang sifat-sifat beburon lan raksasa kaganti antuk sifat dewa sane welas asih.Beya punika ngicalang, kaoon punika kalah utawi hilang .Beya kaoon puinika ngicalang sifat sane jelek kaganti antuk sifat welas asih sane sampun wenten ring angga iraga sami.Sakewanten kantun sirep santukan sifat sane asli punika kantun ka tekepin olih ahamkara lan mamakara sadripu.Banten '' prayascita "praya punika maarti bersih luung sakadi bahasa indonesiane indah.cita" punika pikiran utawi manah.Tatujon ipun risampune usan natab banten prayascita mangda prasida polih manah sane becik luung.Saking manah sane suci nirmala pacang prasida ngentenin sifat sane suci.Sifat punika minakadi sathya,dharma,prema,shanti,ahimsa.yening karingkes dados trikaya parisuda(mapikayun malaksana ngandika sane becik).
  Ring jaman kali sakadi mangkin parilaksana sane mapitulung sareng anak sane jompo,lacur,sungkan tur sane lianan punika yadnya sane pinih becik.Ngaturang banten yadiastun nenten ageng yening sampun kadulurin manah suci kasarengin antuk mapitulung sampun jati pacang mapikolih pahala sane becik.Ida Hyang Widi pacang mapaica anugrah amertam kaselamatan.Pahala upacara yadnya banten kemanten nenten prasida jage ngatehang sang atma menek kesuargan. Santukan sang atma sampun mabekel karma wasana jage anggen bekel sajeroning pamargin ring jagat niskala.Banten wantah prasida anggen sabates nuju jagathita sakantun iraga  maurip iriki ring jagat sekala.Risampun urip matilar saking angga ngungsi jagat niskala wantah karma wasana sane pinaka titi pangancan.Punika makarana rikala iraga mayadnya mabanten mangda kaseringin antuk mapitulung welas asih.
artikel niki polih katerbitang ring bali post.post bali
olih
Iwayan Tojan