Tunangane plaibang timpal,adine palaibang tiang

olih iwayan tojan.

tresna palarian  

. Kebus bara buka kaorob aine karasa alangkat diduur sirahe.panes ngentak tengai tepet ngerepet,tiang majalan ngutang utang lampah tanpa tujuan.ngentasin margi nyikut rurung neked tiang dipenepi pasih mabias kedas sing karasa sang surya suba ngeseng kauh.

Sandikala nyaluk peteng disisin pasih.Negak bengong padidi inget dugas ipidan.Diduwur bias tiang nulis ngucapang tresna.Iluh mamaca kedek kimud-kimudan.Ombak satata galak ningehang gombal tiange,angin pasih kedek ngasiisir nyapuin rambut iluhe.Sanget neket dihati sing sida ban ngangsapang.uli cerik tiang mula ngenehang iluh,cager lakar dadi kurenan beli.Nanging sepan manolih jani iluh suba dadi gelah timpal.Sekat ento tiang takut ngalih ngalih tunangan.Diapin je ada bajang ne ngenyakin beli.Ane jani tiang marasa dadi truna tan paguna.

     Telung tiban suba liwat,galah majalan dinane maganti.Kenehe kambang nerawang manarabang sawang metek bintang,kija kade kenehe makeber,tiang tangkejut ulian munyin hp,ada sms nomer baru
"bli buin mani antiang tiang disisin pasihe jam solas tengai ngidih olas,tiang iluh timpal beline"
ada rasa ngetug dihati,mara telpn balik hp suba matiange.

Aine suba nardarin endag uli kangin masawang kuning.kasautin swaran kedis magending.kewala tusing cara keneh tiange ane rem rem gulem gurindam gurindem.bangn tiang nguwadang awak,inget teken sms ane ibi,cobakin buin katelpun nomere ento.tusing masi aktif.bengong tiang mangenehang..sawatara ada jam sie mamunyi buin hp tiange.pati kaplug nyagjagin,pasti iluh ento ane sms,.,
"bli jani tiang ka majalan,antosang tiang di pasisi candidasa paek sikangin dibongkol kayune,"

Neked di pasisi pasihe ulih joh tepuk tiang anak bajang muane kailidin ebok lantang nganteg bahu.adeng tiang maekin ada rasa ragu dikeneh,cara kenal asane anak luh ne.mare ukana capatin saget iya makipekan sada makenyem.Makesiab tiang tusing percaya....
"mai bli negak liu dot ortaang tiang ngajak beli"
"luh sujani nguda dini,men kija tunangane?"
"lantang satuane bli,mai malu negak disamping tiange"
baat rasa batise matindakan,gedenang tiang bayune maekin negak disampingne luh sujani.
"men nguda tusing angkat bli nlpn?
"yen angkat tiang takut bli ngingetin munyin tiange,bli sing nyak katemu,"
"nak engken keneh luhe ngajakin katemu,men tunangane kija?
ngarebes yeh mata luh sujani nuturang pajalan tresnane ajak tunqane.

"ampurayang tiang bli sujatine tiang nu demen teken bli,"
saha ngatengahang yeh mata luh sujani buin nuturang.
"pelih tiang malaksana makada nepuk unduke kakene,tunangan tiange nak suba ngelah pianak kurenan mara tiang nawang"
saha ngelut luh sujani nuturang makejang isin kenehne ngisih pelih.

"nguda jani luh buin maekin bli nyesel raga nyambatang sayang tresna atohangati,bli suba marasa anggon luh pacadang kuang,diapin lacur bli ngelah pangarasa"
"sing ja keto bli tamat tiang kuliah tiang majanji ajak tiang nganten"
wireh tresna dihati tiange mula sanget kapining luh sujani kadi rasa sing ada ane nyidaang ngantinin,ane jani buin tiang ngiket janji majalan nuju pasubaya.

ne dadi satua tan pagatan unduk tiange ngajak iluh,buin marasa bungah pajalan hidupe ada kembang ane mekar buin ditaman hatine.kewala tusing makelo bakat rasaang.inget teken janjin ilu nunden ngantosang pang tamat kuliah.ngetah ngelel ngantosang janjin iluh ane tempoang.disubane taman iluh masekolah,luh teke mulih ngaba undangan.makesiab maca undangan iluh.iluh lakar masakapan,misan iluh ane lakar nyuang,kone tresna ulian kapaksa,kajodohang ban rerama.tusing madaya nepuk unduke kakene,elas lub ngalahin yen inget dugas matunangan stata mesra nguda jani mesrabutan.las gati ngundang bli nunden nyaksiang luh mageluh mabio kaonan.manis kenyem luh kewala dekdek remuk rasan tangkah beline.nah apang nekain dogen undangan luhe,madak bagia ajak kurenan luhe,jani bli mapamit mulih.

care penyu kadung malingeb tusing nyidaang madingang raga,enggang engep nepukin luh masanding.sakadi keset suba kajekjek buin kaingsak.majaln tiang ngamulihang uli umah luh sujani.baat kerasa tindakang baise kadi rasa kambang tusing enteg tanah...ditengahing jalan cara ada merasa ane nutugin pajalane uli tuni,tolig kaduri saja ada anak luh bajang muane patuh cara luh sujani

  "blii antiang tiang...ampurayang mbok misan tiange iya nak kapaksa kajodohang ngajak blin tiange.tiang nawang bli sanget demen teken mboj tiange.kewala de bli sanget nyeselin dewek.unduke ene lakar liwat,masa depan jani kenehang pang suud nandang kasengsaran.sujatine tiang uli makelo masi demen ngajak bli.tiang sing bani ngulgul bli."

galah majalan dina maganti jani kadek anggon tiang tresna palarian nyen nawang makelo kelo tumbuh rasa tresna dikeneh.sedek ngeroman saget uli dije kaden teke
kedis goak ngabe sendok
kukur ngamah kuud
sata bawak buin bontok
tutur suba suud.
.....